"Qaçağan” adı birbaşa "qoç” sözü ilə başlanır. Qaçağan qoçaq kişilərin məskəni olmuşdur. Qoçaq kişilər dünyasını dəyişdikdə isə onların qəbri üstündə adətən qoç heykəli qoyardılar. Kəndin qədim qəbirləri üstündə qoyulmuş belə qoç heykəllərinin qalıqlarına elə indi də rast gəlmək olar. Qaçağan kəndindən bir neçə kilometr aralıda olan qədim qəbirstanlığın birində daha çox qoç heykəlləri vardır. Onların yerləşdiyi yerə, elə indi də, "Qoşdar”, yəni "Qoçlar” deyilir.
QAÇAĞANIN SAHƏSİ VƏ ƏHALƏSİ
Qaçağan kəndinin sahəsi 10min hektardan çox, əhalisinin sayı isə 10 min nəfərə qədərdir. Kənd Borçalı mahalının cənub-şərqində yerləşir. Qaçağan kəndi Borçalı mahalının ən böyük kəndlərindən biridir. Qaçağan kəndi şərqdə Təkəli, qərbdə isə Ağammədli kəndləri ilə həmsərhəddir. Kənd əhalisinin psixologiyasına görə, dünyada Borçalı çayından güclü çay, Qaçağan kəndindən isə zəngin kənd ola bilməz.
ORTALIQ
Qədimdən gələn ənənə kimi "Ortalıq” kənd kişilərinin həyatında böyük rol oynayır. Demək olar ki, "Ortalıq” kənd kişilərinin həyat tərzinin ayrılmaz tərkib hissəsinə çevrilmişdir. Qanuni işdən qayıtdıqdan sonra, hər bir kişi yenidən üzünü qırxır, əl-üzünü tərtəmiz yuyur, ən səliqəli paltarını geyinir, qalstukunu taxıb Ortalığa gedir. "Ortalıq” kənd kişilərinin bir yerə yığışıb məşvərət etdikləri yerdir. "Ortalıq” sözünün əsasını "orta” sözü təşkil edir . Yəni kəndin ortası deməkdir. Bu yer kəndin bütün idarələrinin, yeməkxanalarının və çayxanalarının yerləşdiyi yerdir. Oraya toplaşan kənd kişiləri özlərini bütün problemlərini müzakirə yolu ilə həll edirlər. Daxili və xarici siyasətdən danışırlar, onları narazı salan məsələrlə əlaqədar öz etirazlarını bildirirlər. İş gününün bütün ağrı-acılarını öz canlarından çıxardıqdan sonra hər kəs öz evinə gedir. Bu ənənə hər gün və bütün il boyu davam edir.
KƏND AŞIQLARI
Qaçağan kəndinin mənəvi həyatında aşıq sənəti mühüm yer tutur. Borçalını, adətən, "Aşıq Akademiyası” adlandırılar. Həmin akademiyanın bir "filialı” Qaçağan kəndindədir. Qaçağan kəndi ustad aşıqlarla çox zəngin olmuşdur. Aşıq Ağacan, Aşıq Vəli, Aşıq Rəsul, Aşıq Göycə kimi Qaçağan aşıqları var.
BULAQLAR
Bulaqlar kifayət qədərdir. Məsələn: "Noy dərənin bulağı”, "Aflı bulağı”, "Korabulaq”, "Zoğallı dərənin bulağı”, "Nazik su” və s. Bütün bu bulaqlar coşub - çağlayırlar. Kənd əsrlərlə özünün içməli suya olan ehtiyacını bu bulaqlar vasitəsilə ödəmişdir. Babəkər dağlarının bulaqları nəinki kənd camaatının hayına çatır. Onlar həmçinin dağda ot biçən əmək adamlarının, otlayan mal naxırının, qoyun sürüsünün və at ilxısının suvarılmasına da kömək göstərirlər. Babəkər dağlarının bulaqları kef məclisləri və digər əyləncələr üçün də çox böyük əhəmiyyət kəsb edirlər.
Salam.Necəsiniz?Məm Məhərrəmov Zülfüqar Yaşar oğlu.09.07.1986-cı ildə Qaçağan kəndində anadan olmuşam.Hal-hazırda Gəncədə yaşayıram.İmkan olduqca əlaqə saxlayaq.
Всего: 
Новых за месяц: 0 
Администраторов: 
Модераторов: 
Модератор форума: 
Проверенных: 
Обычных юзеров: 
Девушек: 
